Acts 1

1– 2Emi nugundo nwo ye Shekwoyi nyi. Nɓo ku shin ho ka. Ma wu ho anya n Yesu ɓo wu aza. Wa wu wo abara kafin wo kpe eshe lo. 3Shi wo ɓo laka evingwo wo ɓei bwa anyipyei shinyi woi wu wohin nwo wo abara aba. Ntu ge ɓa kpe ge wo wye-wyeyi lo. Woi da ɓo n ɓai tu Shekwoyi ebe ɓo.

Yesu Du Gun Lo Eshe

4N Wyihoi wagna ɓa ge, ɓa to kun n Urishelima m, ama ɓa pmi har Zafun Gyi-gyiyi wa ɓe, ntu ge alkawali Dada nya ɓa nu.

5Yohanna ɓei zhin baptizma n nuwan yi amma a ɓa zhin fye n j Zafun Gyi-gyi-yi.

6N Wyihoi wa je ɓa ba ɓe ɓa nya Yesu ge, “a ɓo gni a Yahudiyayi nkni sayi nuʼa? Wato a knu ɓa nu a Romayi aknu.”

7Yesu ɓo gna ɓa ge, “Efya nuwan nu tom fya kpe anyipyei yem.” 8Ama Zafun Gyi-gyi-yi ɓei ga fye iko esa n wa ɓe ncei, fye da mi nabari dna n Urishelima n Yahudiya yi n Samariya yi n na bai vinya. Fye da ʼmi kala-la ɓo n vingwo.

9Safyewyi wa laka tulo ʼshe owo abara ɓa shi wo awye har wa bwi wye. 10Ɓa zhi ɓai shi awye ʼshe ɓa gye aza ngun aba na je bui-bui kpe. 11Aza n ɓa nu a gna “Agalili yi fye gye kniyi nu ʼshe a? She fye gye Yesu woi lo nyi elonu wo ɓa jeze ɓe.”

12Aɓeye vinya ɓo zhin kpe a zaitun ʼpe nu. Ɓa jezelo Urishelima mi. 13Ɓa lo ɓa ku fi n nyakun ʼshe ɓai zhin adduwa.

14Aza nyi n ɓa ɓei fi ɓo. Bitrus, Yohanna, Yakub, Andrawus, Filibus Toma Bartalamawus, Matta, Yakub Halfa nugun, Siman owo ye bayi ge Zelotes ɓedo n Yesu azaje yi. Na anyikozayi n Yesu ʼya yi. 15Wyiho ɓa ye zhi aza 120 ɓa zhin adduwa Bitrus wa laka gni wa da ɓo n ɓai.

16Wa gna “Emi azaje dole Shekwoyi ɓeda kwa nu tu n Yahuda tukwo. Woɓo la Yesu kun aɓo ku anabci zhin tu wo tukwo kafin ama wo. Esu Dawuda nu ɓo da, shin Zafun Gyi-gyi-yi ɓei wu wo. 17Yahuda ɓo gnisun n yi nu. Har ma n zhin bara.” 18Amma wo ɓo la ekni si n na ʼgyiwye nukwoyi wa gyi wohin, Wa kaya har waɓaya. 19Aɓo ku ce wo vinya n Urushelima. A aba ho tuye ge, “ami ʼba.” 20Anabci ye dna n Zabura nu kwa da ge, “Fa owo puwa kwa wunya to oza wa dnam. ‘Njesun a lawo tnu-tnu ga ozado wa zhin.’

21– 22“Dole ozado n yi mi wa la Yahuda apita n wo ɓo gnisun n yi tunyi n Yesu baptisma zhin sa har esa n wo ɓo lo ʼshe nyi.” 23A ɓe n na za aye yi ngun-aba Yusufu Jastis (ko Barsabas) ɓedo n Matiyas yi. 24– 25Ɓa zhin adduwa ntu ge Shekwoyi wa wu ɓa oza na ɓa kni. Ɓa gna, “O Dagayi ho kpe eyi abugba yelo, wuyi oza nu ho ye nɓa mi wa la Yahuda apita, owo nu n wo la wo zokwo kni nyi.”

26N adduwa zhin avun ɓa she kuriʼa, Kuriʼa wan kpe n Mathias. A wo kni, wa ze bara ɓedo awocei-gmanyi yi.